Wednesday 11 April 2012

"சிந்தியுங்கள்........தமிழர்களே......"!



தமிழில் பேசுவதற்கும் எழுதுவதற்கும் நாம் நிறைய சிந்தித்துக்கொண்டிருக்கிறோம். அந்த அளவுக்கு தமிழ் பேச்சும் எழுத்தும் நம்மை அவமானப்படுத்துவதாக நினைத்துக்கொண்டிருக்கிறோம்.

ஆனால் தமிழுக்குத் தொடர்பே இல்லாத ரசிய நாடு தமிழைக் கொண்டாடுகிறது. அங்கிருக்கும் அதிபர் மாளிகையான கிரெம்ளின் மாளிகையின் பெயரை அவர்கள் அழகு தமிழில் எழுதியுள்ளார்கள்.

முதலாவதாக அவர்கள் தாய்மொழியான ரசியத்திலும், இரண்டாவதாக அண்டைநாட்டு மொழியான சீனத்திலும், உலகத் தொடர்புமொழி என்ற நோக்கில் ஆங்கிலத்திலும், நான்காவதாக தமிழிலும் எழுதியிருக்கிறார்கள்.

தமிழைவிட எத்தனையோ உலகமொழிகள் பெரும்பாலான மக்களால் பேசபடுகின்றன. ஆனால் அவற்றையெல்லாம் விட்டுவிட்டு தமிழ்மொழியில் அதிபர் மாளிகையின் பெயரை எழுதியதற்கு அவர்கள் கூறும் காரணம் , தமிழர்களாகிய நம்மைச் சிந்திக்க வைப்பதாக உள்ளது.

"உலகில் ஆறு மொழிகள்தான் மிகவும் தொன்மையானவை. அவை கிரேக்கம், லத்தீன், எபிரேயம், சீனம், தமிழ்,சமற்கிருதம். இந்த ஆறு மொழிகளில் நான்குமொழிகள் இன்று வழக்கில் இல்லை.

இலக்கிய, வரலாற்று செழுமையான மொழி. எங்களுக்கு உலகில் உள்ள முக்கிய மொழிகளான 642 மொழிகளிலும் சரியான, தகுதியான மொழியாக "தமிழ் மொழி "தென்பட்டது. அந்த மொழியைச் சிறப்பிக்கவே "கிரெம்ளின் மாளிகை" என தமிழில் எழுதினோம்" என்று கூறுகிறார்கள்.

வெளிநாட்டினருக்குக் கூட தமிழின் அருமை பெருமை தெரிந்திருக்கிறது. நமக்குத்தான் தெரியவில்லை..

வெளிநாட்டில் உள்ளவர்களுக்கு கூட நம் தமிழின் பெருமை தெரிந்து உள்ளது. ஆனால் நாமோ 'தமிழில் எழுதுங்கள் என்பதற்கு ஒரு கருத்தரங்கம் நடத்திக்கொண்டு இருக்கிறோம்'.

மகாநாடு நடாத்தினால் மட்டும் போதுமா அதனால் என்ன வளர்ச்சியைக் கண்டுள்ளது?

"தமிழ்மொழி" கணணித்துறையில் உலகிலுள்ள பல மொழிகளின் அகராதி மிக நேர்த்தியாக வடிவமைக்கப்பட்டு மக்கள் பாவனைக்கு எந்தத் தடைகளுமின்றி இணைய உலாவிகளினூடே வலம் வருகின்றன.

ஆனால் மிகப்பழமையும், பெருமையும் கொண்ட எமது தாய்த்தமிழிற்கான அகராதியை உருவாக்க பிரயத்தனம் எடுக்கப்படவில்லை என்பதே என்போன்ற பல இலட்சம் தமிழ்மக்களின் ஆதங்கமாகும்.

"சிந்தியுங்கள்........தமிழர்களே"......



சிந்தித்தால் மட்டும் இதற்கான விடிவுகிட்டாது செயற்படுத்துங்கள் இல்லையேல் செயற்படுபவர்களிர்கான ஊக்குவிப்பை வெளிக்கொணர்ந்து அதனூடாக இதற்கானதோர் விடிவை எதிர்பாக்கிறோம்.

நன்றிகள்.