Tuesday 4 December 2012

வீட்டிலேயே எத்தனால் தயாரிக்க........!

வீட்டிலேயே எத்தனால் தயாரிக்க இயந்திரம் தயார்! சட்டம் தயாரா? 

(கூடியவரை தமிழாக்கம் செய்யப்பட்டுள்ளது)

மாற்று எரிபொருளான எத்தனாலை வீட்டிலிருந்தே தயாரிக்க புதிய கருவி ஒன்றை வடிவமைத்திருக்கிறது கலிஃபோர்னிய நிறுவனம் ஒன்று இந்த எரிபொருள் நிலையத்தில்  இனி வாகனங்களிற்கான எரிபொருளுக்காக முண்டியடிக்க வேண்டியதில்லை.

ஒரு கூசா(ஜா) சர்க்கரை போதும், வீட்டிலேயே வாகனங்களிற்கான மாற்றான எரிபொருள் தயாரித்து, அதைக்கொண்டு வாகனம் ஓட்ட முடியும். கேட்கவே இனிக்கிறதா?

இதைச் சாத்தியமாக்கி இருக்கிறது கலிஃபோர்னியாவைச் சேர்ந்த இ-ஃப்யூல் நிறுவனம். அதற்கு முன் ஒரு சிறிய ஃபிளாசு(ஷ்)பேக்(Flashback)... 1980களில் அமெரிக்காவில் மக்கள் பலர் வீட்டிலேயே எத்தனால் தயாரித்து அதன் மூலம் கார் ஓட்டினர்.

இந்த முறைக்குப் பெயர் நிலவொளி முறை (Moonshine). நிலவொளிமுறை (Moonshine) ஒரு பாட்டிலில் தேவையான அளவு சர்க்கரையை எடுத்துக் கொண்டு, அதில் நான்கிற்கு ஒரு பங்கு சாராயம், ரோட்டி முதலியவற்றை புளிக்க வைக்கும் காடி சத்து (Yeast) சேர்த்து பின் அதனை நீரால் நிரப்பி கலனை மூடி நன்றாக நுரை பொங்குமளவு குலுக்க வேண்டும். 

குலுக்கிய பாட்டிலை சில நாட்கள் பாதுகாப்பாக வைக்க வேண்டும். சில நாட்கள் கழித்து அந்த பாட்டிலைத் திறந்து பார்த்தால் அது எத்தனாலாய் மாறியிருக்கும். இதுவே நிலவொளிமுறை என்று அந்தக் காலத்தில் அழைக்கப்பட்டது.

இந்தக் கலவை விகிதத்தை சரியான அளவில் அமைத்தால் மட்டுமே முறையான எத்தனாலை பெறமுடியும். இல்லையென்றால் எசகுபிசகாகி புவி வெப்பமயமாதலுக்கு இது வழிகோலும் என்பது வல்லுநர்கள் குற்றச்சாட்டு. அதனால் இந்த நிலவொளிமுறை சட்டத்திற்குப் புறம்பானது என்று சொல்லித் தடைவிதிக்கப்பட்டது.

தற்போது அந்தப் பழைய முறையையே மேம்படுத்தி அதனை ஒரு தொழில்நுட்பமாக்கியிருக்கிறது கலிஃபோர்னிய நிறுவனம்.

இந்த முறையில் எத்தனாலை தயாரிப்பதற்கென்றே பிரத்யேகக் கருவி ஒன்றையும் வடிவமைத்திருக்கிறார்கள். அந்தக் கருவியின் பெயர் நுண் எரிகலன் (E-Fuel 100 Microfueler).

இது எப்படி வேலை செய்கிறது? "சும்மா துணி துவைக்கும் இயந்திரம்   திறப்பதுபோல திறங்கள். உள்ளே சர்க்கரையைக் கொட்டுங்கள். கதவை மூடி பொத்தானை அழுத்தினால் முடிந்தது வேலை. சில நாட்களில் எத்தனால் தயாராகும்" என்று ஏதோ தொலைக்காட்சி விளம்பரத்தில் வருவதைப்போல சொல்கிறார் இ-ஃப்யூல் நிறுவனர் டாம் க்யுன்.

இருநூறு இறாத்தல் எடை கொண்ட இந்த எந்திரம், எரிபொருள் நிலையத்தில் எரிபொருள்  நிரப்பும் கருவிக்கும் வங்கியின் தானியங்கியாக பணம் கொடுக்கல், வாங்கல் செய்யும் இயந்திரம் (Automated Teller Machine) பிறந்த மாதிரி இருக்கிறது. சர்க்கரை, தண்ணீர், தேவையான அளவு சாராயம், ரோட்டி முதலியவற்றை புளிக்க வைக்கும் காடி சத்து  ஆகியவற்றை இந்த இயந்திரத்தில் போட்டுவிட்டால் போதும், ஏழே நாட்களில் 35 கேலன்களில் எத்தனாலை கொடுக்கிறது.

ஒரு கேலன் என்பது மூன்றரை லிட்டருக்குச் சமம். ஒரு கேலன் எத்தனால் தயாரிக்க 40 ரூபாய்க்கும் குறைவாகத்தான் செலவாகிறது. தயாரான எத்தனாலை காரில் செலுத்த இந்த இயந்த்ரத்தில் ஒரு குழாய் தனியே பொருத்தப்பட்டுள்ளது.

எத்தனால் உருவான பிறகு தேவையற்ற தண்ணீரை தனியே வெளியேற்ற ஒரு பகுதி இருக்கிறது. இந்நிலையில், "டாம் க்யுன் சொல்வதைப்போல எத்தனால் தயாரிப்பது அவ்வளவு எளிதல்ல, நடைமுறை சிக்கல் நிறைய இருக்கிறது" என்கிறார்  புதுப்பிக்கதத்தக்க மற்றும் தகுந்த எரிசக்தி (Renewable and Appropriate Energy) ஆய்வகத்தைச் சேர்ந்த டேனியல் கேமன்.

எத்தனால் தயாரிக்க அரசின் அனுமதி வேண்டும். தவிர அதிக அளவு எத்தனால் தயாரிக்க வேண்டுமானால், அதிக அளவு உபகரணங்கள் பயன்படுத்த வேண்டும். இதில் தரக்கட்டுப்பாட்டுப் பிரச்சினைகளும் இருப்பதாக கேமன் தெரிவிக்கிறார்.

அத்தனை சலசலப்புகளுக்கு மத்தியிலும் டாம் க்யுன், "எங்கள் கண்டுபிடிப்பு எல்லோரின் அவ நம்பிக்கையையும் முறியடிக்கும். வீட்டிலேயே எளிதாக, குறைந்த விலையில், தரமான எத்தனாலை உருவாக்க முடியும்" என்று அடித்துக் கூறுகிறார்.

காரணம், இவர்கள் கண்டுபிடித்த கருவியின் சிறப்பம்சமே அதிலிருக்கும்  மெல்லிய தோல் (Membrane) வடிகட்டிதான். "அது குறைந்த வெப்பநிலையில் திறம்பட செயல்பட்டு தண்ணீரையும் எத்தனாலையும் பிரித்துவிடுகிறது. வெளியேறும் தண்ணீர் ஏற்கெனவே சுத்திகரிக்கப்பட்டிருப்பதால் அதைப் பருகவும் செய்யலாம்" என்கிறார்.

டாம் க்யுன், வீட்டில் எத்தனால் தயாரிக்கும் மற்ற ஆசாமிகளைப் போலல்ல. நீண்ட நாள் தொழில் செய்துவரும் பெரிய தொழிலதிபர்.

இதுதவிர, ஃப்யூலின் இன்னொரு பங்குதாரரான ஃப்ளாய்டு பட்டர்ஃபீல்டு, வீட்டில் எத்தனால் தயாரிப்பதில் இருபத்தைந்து ஆண்டுகள் அனுபவம் வாய்ந்தவர் மட்டுமல்லாது, 1982ம் ஆண்டு கலிஃபோர்னியா மாகாணத்தின் உணவு மற்றும் வேளாண் போட்டியில் சிறந்த எத்தனால் உருவாக்கக் கருவிக்கான பரிசையும் பெற்றவர் என்பது குறிப்பிடத்தக்கது.

ஆனால், நூறு சதவிகித எத்தனாலை வாகனத்தில் பயன்படுத்துவது சர்வதேச மோட்டார் விதிகளின்படி குற்றம். அதனால் 85 சதவிகித எத்தனாலும் மீத 15 சதவிகித பெட்ரோலும் சேர்த்து பயன்படுத்தவும் என்று பரிந்துரைக்கிறது இ-ஃப்யூல் கம்பெனி. மைக்ரோஃப்யூல்லர் எந்திரத்தின் தற்போதைய விலை ஏழாயிரம் அமெரிக்க டாலர்கள்.
நன்றிகள்.